Coratda idarə etməni itirərək motosikleti məscidin divarına çırpan şəxs hadisə yerində həyatını itirib.
“İki sahil” xəbər verir ki, 11.10.2024-cü il tarixdə saat 14 radələrində Allahverdiyev Eldəniz Elşad oğlu idarə etdiyi dövlət qeydiyyat nişanı olmayan “Zontes-Sport” markalı motosikletlə Sumqayıt şəhəri, 6-ci mikrorayon ərazisində yerləşən, Hacıbala Salayev küçəsi ilə hərəkət edərkən idarə etməni itirərək Corat məscidinin divarına çırpılmış, nəticədə aldığı xəsarətlərdən hadisə yerində ölüb.
Faktla bağlı Sumqayıt ŞPİ-nin İŞ-də cinayət işi başlanılaraq ibtidai istintaq aparılır.
