Çində son illərdə aparılan təcrübələr nəticəsində məlum olub ki, narın qabığı meyvəsindən və suyundan daha faydalıdır. Belə ki, nar qabığının tərkibində olan “ellegik asit” deyilən maddə qadınlarda sinə xərçənginin yaranmasının qarşısını alır.
Qlobal.net xəbər verir ki, təcrübələr nar qabığının xolestrolu aşağı saldığını, beta hüceyrələrini artıraraq diabetli xəstələrə, ürək-damar xəstəliklərindən əziyyət çəkənlərə çox yardımçı olduğunu deyir. Təcrübələr nəticəsində müəyyən edilib ki, narın qabığı sinə, yemək borusu, dəri, bağırsaq, prostat və pankreas xərçənginə qarşı daha xeyirlidir.
Nar qabığından xeyirli maddələri necə almaq olar? Bunun üçün nar qabıqlarını kölgədə qurutmaq lazımdır. Daha sonra qurumuş qabıqları xırdalayırıq. 100 qr qaynanmış suya, 2 qr nar qabığı ataraq 10 dəqiqə qaynatmaq lazımdır. Hazır olan mayeni çay kimi qəbul etmək olar. vakansiyalar
Qurudulmuş və parçalanmış hazır nar qabıqlarını qəhvəüyüdən dəyirmanda toz halına salıb hazırladığımız salatlarda və ya ağartı məhsullarında da istifadə edə bilərik. Duzdan istifadə etməkdənsə, üyüdülmüş nar qabığı yemək daha faydalıdır. (yenisabahş.az)
