Füzuli rayonunun Əhmədalılar kəndində şəhid Elçin Ramiz oğlu Nəsirovun anım günü keçirildi

1988-ci il yanvarın 13-də anadan olan şəhidimiz, B.Əliyev adına Əhmədalılar kənd tam orta məktəbinin məzunu, Vətənə sədaqətlə xidmət etmişdir.

Hərbi xidməti bitirdikdən sonra Elçin Nəsirov snayper kursuna yazılaraq bacarıqlarını daha da təkmilləşdirməyə can atmışdır. 44 günlük Vətən Müharibəsinin ilk günlərindən döyüşlərə qatılaraq Füzuli, Cəbrayıl və Suqovuşan istiqamətlərində ağır və şərəfli döyüş yolu keçmişdir. Qəhrəmanlıqla vuruşduğu döyüşlərdə 2020-ci il oktyabrın 25-də şəhid olmuşdur. Xidmətlərinə görə Prezident İlham Əliyevin Sərəncamı ilə medallarla təltif edilmişdir.

Tədbirdə Füzuli Rayon İcra Hakimiyyətinin nümayəndələri, Füzuli Rayon Təhsil İdarəsinin kollektivləri, B.Əliyev adına Əhmədalılar kənd tam orta məktəbinin, Horadiz şəhər 2 saylı tam orta məktəbin müəllim və şagird kollektivləri, Füzuli Rayon Hərbi Səfərbərlik İdarəsinin, Füzuli rayon Gənclər Təşkilatının nümayəndələri, AzQMEVŞAİB üzvləri, şəhid ailələri və kənd sakinləri iştirak edərək Elçin Nəsirovun qəhrəmanlığını ehtiramla yad etdilər.

Şəhidlərimizə Allah rəhmət eləsin!