Metronun bu stansiyalarında tibb məntəqələri təşkil olunacaq - "COP29 ərəfəsində metronun "Koroğlu", "28 May", "Elmlər Akademiyası" stansiyalaında tibb məntəqələrinin təşkil olunacaq".
E-saglam.az xəbər verir ki, bu barədə Tibbi Ərazi Bölmələrini İdarəetmə Birliyinin (TƏBİB) COP29-a görə təşkil etdiyi brifinqində məlumat verilib.
Bildirilib ki, həmin məntəqələrdə 18 həkim, 18 orta tibbi işçisi olacaq. Bundan başqa təlim keçmiş ehtiyat briqadalarında 120 həkim, 120 orta tibbi işçisi olması nəzərdə tutulur.
Həmçinin qeyd edilib ki, COP29 Qərargahında tibb işçilərinin növbətçiliyi təşkil olunacaq.
Qeyd edək ki, COP29 beynəlxalq tədbiri noyabrın 11-22 tarixlərində Bakıda keçiriləcək.
E-saglam.az
