BMT Baş Assambleyası 32-ci dəfə ABŞ-ı Kubaya qarşı iqtisadi, ticari və maliyyə sanksiyalarını ləğv etməyə çağıran qətnamə qəbul edib.
Editor.az xəbər verir ki, bu barədə Venesuela prezidenti Nikolas Maduro telegram kanalında məlumat verib. Maduro yazıb: “Kuba sülh və tam azadlıq içində öz inkişaf yolunu seçmək hüququ qazanıb”. Onun sözlərinə görə, 187 ölkə xarici sanksiyaların ləğvinin əleyhinə səs verib. Maduro Kuba xalqına və ölkə liderlərinə dəstək və həmrəylik ifadə edərək, rifahı təmin edəcək konkret həll yolları axtarışında irəliləməyə hazır olduqlarını bildirib.
Qeyd edək ki, BMT Baş Assambleyası 1992-ci ildən bəri ABŞ-ın Kubaya qarşı tətbiq etdiyi birtərəfli sanksiyaların ləğvini tələb edən qətnamələr qəbul edir. Bu təşəbbüs dünya təşkilatının üzvləri tərəfindən böyük dəstək alır. Xəbər verildiyi kimi, oktyabrın 29-da Dövlət Dumasının deputatları Birləşmiş Millətlər Təşkilatının Baş Assambleyasına (GA) və beynəlxalq parlament orqanlarına ABŞ-ın Kubanın iqtisadi, ticarət və maliyyə blokadasına son qoymağa çağıran müraciət qəbul ediblər. Parlamentarilər ABŞ sanksiyalarının Kuba iqtisadiyyatına, o cümlədən kənd təsərrüfatı, enerji, səhiyyə və turizm kimi sektorlara mənfi təsir göstərdiyini qeyd ediblər.
//Gülnarə Abasova, Editor.az
