"Hizbullah" hərəkatı ilə İsrail arasında münaqişə və Yaxın Şərqdə vəziyyətin pisləşməsi səbəbindən 830 mindən çox Livan sakini evlərini tərk etmək məcburiyyətində qalıb.
Bu barədə BMT-nin Livandakı Humanitar Məsələlərin Əlaqələndirilməsi İdarəsi məlumat yayıb.
"2023-cü il oktyabrın 8-dən indiyədək 834 746 nəfər məcburi köçkün olub ki, onların da 52 faizini qadınlar, 48 faizini isə kişilər təşkil edir”, - deyə hesabatda bildirilir.
Sənəddə o da qeyd olunur ki, məcburi köçkünlərdən 189 298 nəfəri müvəqqəti olaraq 1100 sığınacaqda yerləşdirilib, onlardan 935-i və ya 84%-i artıq tam məskunlaşıb.
Cavid
