Polşa prezidenti Anjey Duda dünən bəyan edib ki, Varşava NATO-nun hava məkanının qorunması zəmanəti olmadan və daha müasir təyyarələr gələnə qədər Kiyevə döyüş təyyarələri verə bilməyəcəklər.
“İki sahil” “Kommersant”a istinadla xəbər verir ki, Ukrayna dövlət başçısı Vladimir Zelenski Polşanı ilkin razılaşmalara baxmayaraq vəd edilmiş MiQ-29 qırıcılarını Ukraynaya təhvil vermək istəmədiyinə görə qınayıb.
“Polşa MiQ-29-u yalnız sözdə verir. Ukrayna NATO ilə razılaşdı ki, Polşaya müttəfiq təyyarələri göndəriləcək, bundan sonra Varşava köhnə MiQ-29 qırıcılarını Kiyevə verəcək. Polşa bizə təyyarələr verdi? Xeyr”, - deyə, Zelenski bildirib.
