Sosial şəbəkələrdə azyaşlıya şiddət göstərildiyi eşidilən video yayılıb. Videonu paylaşan şəxs bildirib ki, hadisə gecə saatlarında baş verib.
Modern.az-ın məlumatına görə, görüntülərdə qadının azyaşlını təhqir edərək ona şiddət göstərdiyi, təhdid etdiyi eşidilir.
Videoda səsi eşidilən qadının azyaşlının anası olduğu bildirilir.
Məsələ ilə bağlı DİN-in Mətbuat Xidmətindən bildirilib ki, görüntülərlə bağlı hazırda ərazi üzrə polis orqanında araşdırma aparılır: “Həmin şəxsin azyaşlının valideyni olması müəyyən edilib. Polis və aidiyyəti qurumlar tərəfindən müvafiq tədbirlərin icrası istiqamətində işlər görülür”.
Ailə, Qadın və Uşaq Problemləri üzrə Dövlət Komitəsi də məsələ ilə bağlı araşdırma aparıldığını və ictimaiyyətə ətraflı məlumat veriləcəyini bildirib.
