“Araz-Naxçıvan”ın yarımmüdafiəçisi Ramin Nəsirli bu gün Türkiyənin Ankara şəhərində cərrahiyyə əməliyyatı olunub.
Arena.az xəbər verir ki, bu barədə Naxçıvan klubu rəsmi saytı vasitəsilə məlumat yayıb.
Xəbərdə bilirilir ki, futbolçu Türkiyənin məşhur “Acıbadem” Hospitalında Mehmet Binnət tərəfindən əməliyyat olunub. Ön çarpaz bağların qopması və meniskidən əməliyyat olunan futbolçu noyabrın 2-də Bakıya dönəcək. Yarımmüdafiəçinin bərpa müddəti açıqlanmır.
Xatırladaq ki, Ramin Nəsirli 2024-cü ilin əvvəlindən “Araz-Naxçıvan”da çıxış edir. O, “qırmızı-ağlar”ın heyətində 12 oyuna çıxsa da, məhsuldar fəaliyyəti ilə diqqət çəkməyib. “Neftçi”nin yetirməsi olan futbolçu “Araz-Naxçıvan”dan öncə Latviyanın “Dauqavpils” klubunda da forma geyinib.
