Almaniya Kubokunun 1/16 final mərhələsində dünən "Hoffenhaym"a 1:2 hesabı ilə uduzan "Nürnberq"in azərbaycanlı hücumçusu Mahir Emreli şəxsi "Instagram" səhifəsində paylaşım edib.
Fanat.Az xəbər verir ki, komandasının yeganə qoluna imza atan 27 yaşlı hücumçu fantastik dəstəyə görə azarkeşlərə təşəkkürünü bildirib:
"Komandamla fəxr edirəm. Dünən baş verənlər haqqında çox danışa bilərik. Amma bu, bizi heç yerə aparmır. Final fitinədək hər şey verdik. Uğur qazanmaq üçün çox çalışacağıq".
