Gürcüstan parlamentinin spikeri Şalva Papuaşvili Tiflisin Avropa İttifaqına (Aİ) daxil olması prosesinin siyasiləşdirilməsindən qəzəblənib.
HİT.az "NewsGeorgia" portalına istinadən xəbər verir ki, spiker ölkənin siyasi birləşməyə daxil olması istiqamətində real işlərlə bağlı heç bir problemi olmadığını bildirib.
Papuaşvili Gürcüstanın Avrointeqrasiya prosesini maksimum siyasiləşdirmək cəhdlərinə işarə edib. Onun sözlərinə görə, ölkənin Aİ-yə daxil olması prosesi əməkdaşlıq alətindən siyasi mübarizə alətinə çevrilib və bu, Avropa Birliyinin özünün reputasiyasına xələl gətirir.
"Aİ Gürcüstanı qiymətləndirməyə davam edir və biz assosiasiya sazişinin əhatə etdiyi məsələlər üzərində işləməyə davam edirik. Avropa inteqrasiyası budur. O, dayanmadı və dayanmayacaq. Bu, mövcud siyasi vəziyyətə uyğun deyil, uzunmüddətli nəticələrə yönəlmiş işdir", deyə Papuaşvili bildirib.
Bundan əvvəl Avropa Komissiyasının namizəd ölkələrin Aİ yolunda genişlənməsi və tərəqqisinə dair illik hesabatında bildirilirdi ki, Gürcüstan Avropa İttifaqının bu ölkə ilə assosiasiyaya qoşulması ilə bağlı danışıqlara başlaması üçün siyasi kursunu dəyişməlidir.
Samir
