İsrailin Livana qarşı davam edən hücumlarında dünən 45 nəfərin həyatını itirdiyi, 110 nəfərin isə yaralandığı bildirilib.
Redaktor.az xəbər verir ki, Livan Səhiyyə Nazirliyindən verilən yazılı açıqlamada İsrail ordusunun ölkəyə qarşı həyata keçirdiyi hücumlarla bağlı məlumat verilib.
Qeyd olunub ki, İsrail ordusu ötən gün Livanın bir çox bölgəsinə 68 hava hücumu həyata keçirib və bu hücumlarda 45 nəfər ölüb, 110 nəfər yaralanıb.
Açıqlamada, İsrailin 8 oktyabr 2023-cü ildən Livana hücumlarında ölənlərin sayının 2 min 865-ə, yaralı sayının isə 13 min 47-yə yüksəldiyi qeyd edilib.
Seymur BƏNNAYEV
