Müxalifətin saxtakarlıqda ittiham etməsinə baxmayaraq, Gürcüstanda keçirilən parlament seçkilərində ciddi pozuntuları göstərən faktlar yoxdur.
Axar.az xəbər verir ki, bunu Gürcüstanın Baş naziri İrakli Kobaxidze “İmedi” telekanalına açıqlamasında deyib.
Qeyd edək ki, Marneuli Bələdiyyə Məclisinin sədr müavini, Gürcü Arzusu Partiyasından olan Rövşən İsgəndərovun bir neçə bülleteni Sadaxlı kəndindəki 69 saylı seçki məntəqəsində seçki qutusuna atdığı anı əks etdirən video sosial şəbəkədə yayılmışdı. Daha sonra Gürcüstan DİN seçki saxtakarlığı ilə bağlı iki nəfərin həbs edildiyini açıqlamışdı.
