"Real Madrid"də Arda Gülerin niyə son oyunlarda meydana çıxmamasının səbəbi bəlli olub.
Offsideplus.az xəbər verir ki, türk yarımmüdafiəçinin oynaya bildiyi mövqelərdə Cud Bellinqem, Federiko Valverde, Eduardo Kamavinqa, Aurelien Çuameni, Kilian Mbappe və Vinisius Junior kimi ulduzların olması vəziyyəti gərginləşdirir. Baş məşqçi Karlo Ançelotti Ardanı yüksək qiymətləndirsə də, dünya ulduzlarına start heyətdə üstünlük verir.
Klub daxilində Arda Gülerə Mbappe və Vinisius Junior kimi öncəlik verilsə, komandanın balansının pozulması ehtimal edilir və həm məşqçi heyəti, həm də rəhbərlik bundan narahatdır.
Qeyd edək ki, Arda "Real Madrid"in son 3 oyununda meydana çıxmayıb.
