Oktyabrın 31-i axşam saatlarında Rusiya qoşunları Ukraynanın Poltava və Odessa şəhərlərinə hücum edib. Hər iki şəhərin sakinləri xəsarət alıb.
Reyting.az xəbər verir ki, Odessa Vilayət Hərbi Administrasiyasının rəhbəri Oleq Kiperin sözlərinə görə, ruslar Odessaya raket zərbəsi endiriblər. Hücum sığınacaq üçün qaçan xilasediciləri yaralayıb.
Qeyd olunur ki, yanğınsöndürmə bölməsi hücuma məruz qalıb, hava hücumu xəbərdarlığından sonra xilasedicilər yaralanıb, onlara lazımi köməklik göstərilir.
Üstəlik, yanğınsöndürən maşınlarına və bölmənin inzibati binasına ziyan dəyib.
Ruslar cümə axşamı Poltavaya da dronlarla hücum ediblər. Fövqəladə Hallar üzrə Dövlət Xidmətindən verilən məlumata görə, pilotsuz uçan aparatların tullantılarının düşməsi nəticəsində şəhərdə fərdi yaşayış binalarında və yardımçı tikililərdə yanğın və dağıntılar baş verib.
Fövqəladə Hallar Xidmətinin bölmələri xəsarət almış iki yerli sakini xilas edib, iki yanğını söndürüb, digər tədbirlər görülür.
ELÇİN
