Rusiyanın xarici işlər naziri Sergey Lavrov bildirib ki, Kiyev rejimi və Qərb dövlətləri Ukrayna münaqişəsinin həllinə və sülhə nail olmağa can atmırlar.
Onun “Hürriyyət” qəzetinə müsahibəsində dediyi kimi , Kiyev rejimi sülh təşəbbüslərinə Kursk bölgəsinə hücum və İHA hücumları ilə cavab verib.
“Hazırda sülh bizim rəqiblərimizin planlarına daxil deyil. Bu ilin iyununda Rusiya prezidenti Vladimir Putinin irəli sürdüyü sülh təşəbbüsünə Ukraynanın cavabı Ukrayna Silahlı Qüvvələrinin Kursk bölgəsinə daxil olması və digər sərhədyanı rayonlardakı hədəflərə hava hücumu olub”, – Lavrov qeyd edib.
Rusiyalı nazir onu da xatırladıb ki, özü Rusiya tərəfi ilə danışıqları qadağan edən Vladimir Zelenskinin fərmanı hələ də qüvvədədir.
“Vaşinqton və müttəfiqləri Kiyevə tam dəstək verir və Rusiyanın dərinliklərinə zərbə endirmək üçün Qərbin uzaqmənzilli raketlərindən istifadə imkanını müzakirə edirlər”, – deyə o, Qərbin sülh arzusunun olmamasına işarə edib.
DOĞRU.AZ
