Almaniyanın şimalında yerləşən Kil şəhərinin polisi Rusiyaya qarşı tətbiq olunan sanksiyalara aid malları daşımaqda şübhəli bilinən dizel tankeri saxlayıb.
İqtisadiyyat.az xəbər verir ki, bu barədə "RİA Novosti" agentliyi məlumat yayıb.
Hüquq-mühafizə orqanları əvvəlcə gəminin Holtenau kilidində yoxlanmasının lazımi sənədlərin olmaması ilə bağlı olduğunu qeyd edib. Lakin daha dərin araşdırmadan sonra yüklə bağlı verilən ilkin məlumatın yanlış olduğunu göstərib.
Gömrük orqanlarının müdaxiləsindən sonra məlumat təsdiqlənib və tankerin yük materiallarının yoxlanması başa çatana qədər hərəkətinə qadağa qoyulub.
Bundan əvvəl Litvada Rusiyaya sanksiyalardan yan keçərək aparılan iki "Tesla Cybertruck" saxlanılmışdı. Saxlanmanın səbəbi, mart ayında Polşa, Latviya və Litva tərəfindən Rusiya və Belarusa 50 min dollardan çox dəyəri olan avtomobillərin ixracına qadağa qoyulması idi.
