Yaxın günlərdə ABŞ Şimali Atlantika Alyansı (NATO) müttəfiqləri ilə birgə əməliyyatlarda iştirak etmək üçün Avropaya strateji bombardmançı təyyarələr göndərəcək. Bu barədə Rusiya mediası ABŞ Hərbi Hava Qüvvələrinin Avropa Komandanlığına (EUCOM) istinadən məlumat yayıb.
EUCOM-un məlumatına görə, ABŞ-nin bombardmançı təyyarələri tezliklə birlikdə məşqə başlayacaq və NATO müttəfiqləri ilə əməliyyatlarda iştirak edəcək.
Qeyd edək ki, noyabrın 1-də Amerika Dövlət Departamenti bildirib ki, ABŞ və Cənubi Koreya Rusiya və KXDR arasında hərbi-texniki əməkdaşlığa necə reaksiya verəcəklərini artıq qərarlaşdırıblar. Nəşr Seul və Vaşinqton tərəfindən Moskva ilə Pxenyan arasında əməkdaşlığa qarşı hansı konkret cavab tədbirlərinin razılaşdırıldığını dəqiqləşdirməyib. Yalnız qeyd edilir ki, KXDR ilə Rusiya Federasiyası arasında hərbi-texniki sahədə qarşılıqlı fəaliyyət Hind-Sakit okean regionunda və Avropada sabitliyə təhlükə yaradır.
Tural
