Rusiyalı turistlərin naməlum virusla bağlı şikayətləri səbəbindən Rusiyanın İstehlakçıların Hüquqlarının Müdafiəsi və İnsan Rifahına Nəzarət Federal Xidməti (“Rospotrebnadzor”) Türkiyə Səhiyyə Nazirliyinə sorğu göndərib.
Yeniavaz.comTASS-a istinadən xəbər verir ki, bu barədə jurnalistlərə idarənin mətbuat xidmətindən məlumat verilib.
Bildirilir ki, “Rospotrebnadzor” mütəxəssisləri Türkiyənin Belek şəhərində rusiyalı turistlərin naməlum virusla bağlı kütləvi şikayətləri barədə xəbərləri nəzarətə götürüblər. “Rospotrebnadzor” Türkiyə Səhiyyə Nazirliyindən mövcud vəziyyətlə bağlı məlumat tələb edib.
