"Veysəloğlu" Şirkətlər Qrupu ikinci Qarabağ müharibəsində iştirak edən əməkdaşlarına qayğı göstərməyə davam edir.
Burada çalışan 500-dən çox müharibə veteranından 55-i şirkət tərəfindən göstərilən psixoloji dəstəkdən yararlanıb.
“Sizə minnətdarıq” layihəsinə şirkətin İnsan Resursları Departamentinin rəhbəri, müharibə veteranı Eldəniz Seyidov rəhbərlik edir. Göstərilən psixoloji dəstəkdən sonra bir çox qazi özünü daha yaxşı hiss etdiyini deyib.
Təbii ki, dəhşətli ölüm səhnələri döyüşdən qayıdan əsgərləri uzun müddət tərk eləmir. Bir çox hallarda bu cür insanların dinc cəmiyyətə reinteqrasiyası çox ağrılı keçir. Bunun üçün psixoloq seanslar şərtdir. Elə bu səbəbdən Layiənin effektivliyi nəzərə alınaraq, qərara gəlinib ki, psixologiya mərkəzi qazilərlə maarifləndirmə işlərini genşləndirərək davam etdirsin.
Tədbirin sonunda "Veysəloğlu" Şirkətlər Qrupunun təsisçisi və Baş icraçı direktoru Aydın Talıbov müharibə iştirakçısı olan əməkdaşlarının imtiyazlarının yaxşılaşdırılması istiqamətində təkliflər hazırlaması üçün İnsan Resursları Departamentinə əlavə tapşırıqlar verib.
