“Ətraf mühitin sağlamlaşdırılmasında Ümummilli Liderin rolu”
Masallıda “Yaşıl Dünya naminə həmrəylik ili” çərçivəsində “Azərbaycan Respublikasında ətraf mühitin sağlamlaşdırılmasında Ümummilli lider Heydər Əliyevin rolu” mövzusunda tədbir keçirilib.
Heydər Əliyev Mərkəzində təşkil olunan tədbirdə Masallı rayonu üzrə təhsil sektorunun müdiri və əməkdaşları, Masallı RİHB-nın ictimai-siyasi və humanitar məsələlər şöbəsinin müdir müavini Abbas Abbaszadə, ümüumtəhsil, məktəbdənkənar və məktəbəqədər təhsil müəsissələrinin rəhbərləri, müəllimlər iştirak ediblər.
Əvvəl Mərkəzin foyesində məktəblilərin mövzu ilə bağlı rəsm və əl işlərindən ibarət sərgiyə baxış keçirilib.
Masallı rayonu üzrə təhsil sektorunun müdiri Elman Rzayev tədbirin məqsədi barədə məlumat verib, müxtəlif mövzularda təqdimat edəcək müəllimlərə uğurlar arzulayıb.
Sonra müəllimlərin təqdimatları dinlənilib, balaca fidanların və məktəblilərin ifasında rəqs və mahnı nömrələri təqdim edilib.
Yekunda təqdimat edən müəllimlər rayon üzrə təhsil sektorunun təşəkkürnamələri ilə təltif olunublar.
Akif AĞAYEV
