Yarım yüngül çəkidə (66 kiloqrama qədər) UFC çempionu İliya Topuriya oktyabrın 26-da keçirilən UFC 308 turnirindən öncə onun Maks Holloueyə uduzacağına eyham vuran Kriştianu Ronalduya cavab verib.
Fanat.Az-ın məlumatına görə, İspaniyanı təmsil edən gürcü sosial şəbəkə hesabında belə yazıb:
"Sənin kimi birinin yekəxanalığı özünəinamdan ayıra bilməyəcəyinə inanmazdım. Hərə özündə olanı başqasında axtarır. Sənə karyeranda uğurlar arzulayıram. Tanrı ailəni qorusun".
Portuqaliyalı superulduzun Topuriya haqda sözlərini "Bloody Elbow" belə təqdim etmişdi:
"Maks mənim xoşuma gəlir. Topuriya həddindən artıq çox danışır. O, Aleks Volkanovskini məğlub edəndə rəqibi hazır deyildi. Nokautdan qayıtmış,
bərpa ola bilməmişdi. Maksı heç vaxt nokauta salmayıblar. Topuriyanın işi çətin olacaq".
Xatırladaq ki, İliya Maks Holloueyi döyüşün 3-cü raundunda nokautla yenib. Bu, amerikalı idmançının karyerasında ilk belə məğlubiyyət olub.
Nihat
