Kürdəmirdə ağır yol qəzası baş verib.
Bizim.Media-nın Aran bürosu xəbər verir ki, hadisə Bakı-Qazax əsas magistral yolunun rayonun Sığırlı kəndindən keçən hissəsində qeydə alınıb.
Belə ki, "FORD TRANZİT” markalı mikroavtobusun sürücüsü Kürdəmir rayon Karrar kənd sakini Cəlilov Anar Xanalı oğlu Kürdəmir istiqamətində hərəkətdə olarkən qarşısında hərəkətdə olan Mürfət Ağayevin idarə etdiyi DAF markalı yük maşınına çırpılıb.
Nəticədə FORD-da olan sərnişinlər rayonun Karrar kənd sakinləri 72 yaşlı Dadaşova Cəmilə Ziyafəddin qızı və 47 yaşlı Cəfərov Azər Abdul oğlu müxtəlif dərəcəli ağır bədən xəsarətləri alıblar.
Yaralılar dərhal təcili tibbi yardım briqadasının köməyi ilə Kürdəmir rayon Mərkəzi Xəstəxanasına aparılıb və həkim nəzarətinə götürülüb.
Hazırda faktla bağlı araşdırma aparılır.
Bizim.Media, Aran bürosu
