Bu gecə İtaliyanın Piacenza əyalətindəki Monticelli d'Ongina şəhərindəki DHL qərargahına hücum edilib.
“İki sahil”in ANSA-ya istinadən verdiyi məlumatına görə, mütəşəkkil oğru dəstəsi şirkətin həyətinə silah-sursatla basqın edərək yük maşınlarından və anbardan külli miqdarda texnoloji material oğurlayıb.
Digər cinayət ortaqları polisin gəlməsinin qarşısını almaq üçün planı həyata keçirərək, oğurlanmış avtomobilləri və furqonları əraziyə giriş-çıxış yollarında saxlayıb və yandıraraq qaçıblar.
Hadisə ilə bağlı araşdırma aparılır.
Məhərrəm Ağalaroğlu, “İki sahil”
