Culfa rayonu ərazisində yol-nəqliyyat hadisəsi baş verib.
APA-nın Naxçıvan bürosu xəbər verir ki, hadisə rayonun Ərəzin - Əbrəqunus kəndlərini birləşdirən yolda qeydə alınıb.
Belə ki, “72-BF-177” dövlət nömrə nişanlı "VAZ 2107" markalı avtomobil yoldan çıxaraq aşıb. Hadisə zamanı avtomobilin sürücüsü Mərhəmət Nəsirli xəsarət alıb. O, Naxçıvan Muxtar Respublika Xəstəxanasına yerləşdirilib.
Faktla bağlı araşdırma aparılır.
