1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Moldovada prezident seçkisinin ikinci turunda səs vermək üçün Rusiyanın Sankt-Peterburq şəhərindən Bakıya 300-dən çox moldovalı gəlib.
Oxu.Az bu barədə TASS-a istinadən xəbər verir.
Bakıda Moldova səfirliyində açılan bir seçki məntəqəsi fəaliyyət göstərir.
Seçicilərin özlərinin dediyi kimi, onlar Sankt-Peterburqdan iki təyyarə ilə uçublar.
Qeyd olunur ki, Moldova hakimiyyəti Sankt-Peterburqda seçki məntəqəsi açmadığı üçün orada səs vermək mümkün olmayıb.
Qeyd edək ki, noyabrın 3-də Moldovada prezident seçkisinin ikinci turu keçirilir. Səsvermədə hazırkı prezident Maya Sandu və onun ən yaxın rəqibi Aleksandr Stoyanoqlo mübarizə aparır.
