Marsla Yupiter arasındakı asteroid qurşağında yerləşən Davida adlı göy cismi bütün Günəş sistemini gəzir. Təxminən 270 kilometr diametrdə olan bu nəhəng asteroid nikel, kobalt, dəmir, hidrogen və qızıl kimi qiymətli metallardan ibarətdir. Araşdırmalar nəticəsində Davida-nın dəyəri 15 trilyon dollar olaraq hesablanıb və onun kosmosdakı ən qiymətli asteroid olduğu bildirilib.
Hafta.az-ın yazdığına görə, Davida-dan sonra kosmosda ikinci ən qiymətli asteroid olan Çikaqo-nun dəyəri təxminən 6ı trilyon dollardır, baxmayaraq ki, bu dəyər Davida-nın cəmi yarısı qədərdir. Digər qiymətli asteroidlər Alauda 5,41 trilyon dollar, Diotima 4,24 trilyon dollar, Palma 4,07 trilyon dollar və Uinçester 3,94 trilyon dollardır. Bu nəhəng dəyərlərə çatmağın əsasını qızıl və platin kimi asteroidlərin tərkibində olan qiymətli metallar, həmçinin almazlar və gübrə kimi istifadə edilə bilən hidrogen, azot və ya ammonyak kimi birləşmələr təşkil edir.
Bildirilir ki, bu asteroidlərin tərkibindəki su hidrogen və oksigenə parçalansa, yanacaq istehsalı üçün də mühüm mənbə ola bilər. Kosmosdakı bu mineral və metal komponentlər alimlər və sənaye nümayəndələri tərəfindən intensiv şəkildə öyrənilir, onların çıxarılması üçün müxtəlif üsullar hazırlanır.
Bu qiymətli materialları Yerə qaytarmaq üçün kosmos agentlikləri və alimlər robot missiyaları planlaşdırırlar. Ən böyük problemlərdən biri asteroidlərə çatmaq üçün tələb olunan uzun səyahət vaxtlarıdır. Ona görə də bu çətin prosesi aşmaq üçün robotlar vasitəsilə asteroidlərin qazılması və əldə edilən qiymətli metalların Yerə daşınması hədəflənir.
Asteroid mədənlərinin gələcəkdə həm Yerdəki resurs çatışmazlığını aradan qaldırmaq, həm də kosmos tədqiqatlarına əhəmiyyətli töhfələr vermək üçün böyük potensiala malik olduğu hesab edilir.
