Livanın cənubundan atılan 2 raket İsrailin Hayfa şəhərinə düşüb.
Turkustan.az xəbər verir ki, Livanın cənubundan atılan iki raketin İsrailin şimalındakı Hayfa şəhərində “açıq ərazilərə” düşdüyü bildirilib.
İsrail ordusundan verilən açıqlamaya görə, Livanın cənubundan Hayfa istiqamətində atılan iki raket açıq ərazilərə düşüb. Açıqlamada raketlərin hər hansı can itkisi və dağıntıya səbəb olmadığı qeyd edilib.
İsrail ordusu radiosunun məlumatına görə, Livandan göndərilən iki pilotsuz uçuş aparatı (PUA) hava məkanını pozub. Bu səbəbdən Nehariya şəhərinin bir çox yerlərində və Krayot bölgəsində və ətrafında sirenlər işə salınıb.
Livandan gələn PUA-lardan biri partladıldığı halda, digərinin qarşısı alınıb.
Eltac Zülfüqaroğlu/Turkustan.az
