...Əhalinin azalması ilə mübarizə aparan Çində evliliklərin sayı azalıb. Belə ki, 2024-cü ilin ilk doqquz ayında ölkədə 4,747 milyon cütlük qeydə alınıb ki, bu da ötən illə müqayisədə 943 min nəfər azdır.
SİA-nın məlumatına görə, Reuters Çin Xalq Respublikasının Mülki İşlər Nazirliyinin məlumatlarına istinadən xəbər verir.
...Qeyd olunur ki, ötən il 9 ayda 5 milyon 690 min nikah qeydə alınıb. Bu, 2022-ci ildəkindən çoxdur. Çində gənc cütlüklər iqtisadi qeyri-müəyyənlik və artan yaşayış xərcləri səbəbindən evliliklərini təxirə salırlar.
Agentlik yazır ki, bu, hakimiyyət üçün həyəcan siqnalıdır; onlar azalan əhalinin sayını artırmaq üçün tədbirlər görürlər. Belə ki, Pekin bu yaxınlarda nikahın qeydiyyatını sadələşdirən və boşanma üçün ərizə verməyi çətinləşdirən qanun layihəsini nəzərdən keçirib.
Yeri gəlmişkən, bu ilin əvvəlində Çin səlahiyyətliləri doğum nisbətinin ikinci illik azaldığını elan etdilər. Buna görə də hökumət gənc vətəndaşları “yeni yaş” evliliyi və uşaq doğurma mədəniyyəti yaratmağa təşviq etmək üçün böyük şəhərlərdə layihələr və təşəbbüslər təqdim edib.
Reuters həmçinin qeyd edir ki, evlilik və uşaq sahibi olmaq gənc çinlilər üçün aktual mövzudur. Çoxları zəif iş perspektivləri və ölkənin iqtisadi inkişafı yavaşladığı üçün gələcəklə bağlı narahatlıqlar səbəbindən subay qalırlar.
Əli Babayev
