Çin Çjuhay Aviasiya Sərgisində yeni J-35A “görünməyən” qırıcısını nümayiş etdirəcək...
Çin yeni J-35A “görünməyən” qırıcısını Çjuhayda keçiriləcək “Airshow China” 2024 beynəlxalq aerokosmik sərgisində təqdim etməyə hazırlaşır.
Poliqon “RİA Novosti” Agentliyinə istinadən xəbər verir ki, bu barədə Çin Xalq Azadlıq Ordusunun Hərbi Hava Qüvvələrinin silah idarəsinin nümayəndəsi polkovnik Niu Venbo bildirib. Bu sərgi noyabrın 12-dən 17-dək Çinin cənubundakı Quanqdonq əyalətində keçiriləcək.
“J-35A orta ölçülü çoxməqsədli “görünməz” qırıcı 15-ci Çin Hava Şousunda nümayiş etdiriləcək”, deyə Niu Venbo qeyd edib.
Həmçinin bu sərgidə Hun-19 raket sistemi və yeni çoxfunksiyalı hücum və kəşfiyyat pilotsuz uçan aparatı ilk dəfə təqdim olunacaq və Y-20 təyyarəsinin yük bölməsi də yoxlamaya təqdim olunacaq.
Poliqon.info
