Avstraliya müdafiə yardımının bir hissəsi olaraq Ukraynaya yüksək manevr qabiliyyətinə malik 14 sərt gövdəli RHIB dəniz gəmisi verəcək. Söhbət Royal Australian Navy Sentinel 830R qayıqlarından gedir.
Bu barədə Avstraliya Müdafiə Nazirliyi məlumat yayıb.
Avstraliya Müdafiə Nazirliyi qeyd edib ki, Ukrayna tərəfinə 14 milyon dollar dəyərində son hərbi dəstək paketi “Ukrayna Silahlı Qüvvələri üçün mühüm əməliyyat sahəsi olan Ukraynanın dəniz və sahil müdafiəsini gücləndirəcək”.
“Avstraliya Müdafiə Qüvvələrinə məxsus bu gəmilər Ukraynanı yüksək sürətli və yüksək manevrli dəniz qabiliyyəti ilə təmin edəcək”, - deyə ölkənin nazirliyi bildirib.
Oxuməni.az
