Sevinc Osmanqızı keçmiş müttəfiqi və ortağı Əli Kərimli haqqında növbəti dəfə mühüm bir fakt açıqlayıb.
Məlumdur ki, son dövrlərdə AXCP üzvləri Əli Kərimlinin göstərişi ilə Sevinc Osmanqızına qarşı kampaniyalar aparırdılar. Noyabrın 4-də özünün internet kanalında " Səfir qalmaqalı. Moskva Moldovanı itirdi. Tramp, ya Harris? Belarus müxalifəti boykota "yox" deyir" adlı efirində Belarus müxalifəti haqda danışarkən Osmanqızı Əli Kərimliyə eyhamlar vurub. O bildirib ki, Azərbaycanda boykot deyiləndə yalnız divanda uzanıb heç nə etməmək başa düşülür: "Belarus müxalifəti sağlam müzakirə aparır. Mən də boykot deyirdim, amma mən passiv boykota yox, aktiv boykota çağırırdım. Mənə qarşı güclü bir kampaniya başlandı. Hökumət bizim müxalifətimizlə birləşdi. Hamısı məni tənqid edirdilər ki, mən nə üçün qaydaları pozuram, aktiv boykota çağırıram. Deyirdilər ki, mən hökumətə satılmışam, "paçka" pul alıram. Sonra məlum oldu ki, həmin məbləğ artırıldı və iddia etdilər ki, Osmanqızı 30 min dollar pul alır. Sonra həmin blogerin başını yedilər, öldürdülər…"
Məlumdur ki, Sevinc Osmanqızını aktiv boykot çağırışı etdiyi üçün tənqid hədəfinə çevirən məhz Qənimət Zahid olub. O, Əli Kərimlinin göstərişi ilə bu kampaniyanı başladıb və sonradan AXCP üzvləri də Əli Kərimlinin təhriki ilə eyni tezis üzərindən bu kampaniyaya qoşulublar. Sevinc Osmanqızının "başını yediniz" dediyi "bloger" isə bir müddət öncə Fransanın paytaxtı Parisdə qətlə yetririlən Vidadi İsgəndərlidir. O da məhz Əli Kərimlinin verdiyi tezislər əsasında Sevinc Osmanqızı haqqında fikirlər bildirirdi və AXCP sədrindən "qidalandığını" demək olar ki, gizlətmirdi. Osmanqızının "baş yeməkdə" məhz AXCP və onun sədrini nəzərdə tutması isə bütün arqumentlərlə ortadadır – çünki, fikrinin əvvəlində Osmanqızının hakimiyyətə satıldığını və 30 min aldığını iddia edən tərəf sonradan "baş yeməkdə" və məlum qətldə ittiham olunur. Osmanqızının atdığı bütün "oxlar" isə AXCP və onun sədrini göstərir…
