ABŞ Respublikaçılar Partiyasından prezidentliyə namizəd Donald Tramp seçkilərdə məğlub olmasını istisna etməyib.
“AzPolitika” xarici KİV-ə istinadla xəbər verir ki, Miçiqan ştatında çıxış edən Tramp Harris qarşısında böyük üstünlüyə malik olduğunu iddia edib, lakin məğlubiyətinin də mümkün olduğunu deyib: “Mənim kifayət qədər böyük üstünlüyüm var, amma deyə bilərik ki, bəli, mənim məğlubiyyətim mümkündür. Bəzən pis şeylər də olur… Ancaq bu, maraqlı olacaq”.
Tramp həmçinin bildirib ki, o, rəqibi Kamala Harrisə qarşı yox, demokratik “şər sistemə” qarşı mübarizə aparır: “Mən Kamala ilə mübarizə aparmıram, mən şər demokratik sistemə qarşı mübarizə aparıram. Mən Baydenə qarşı da döyüşmədim, çünki o bu sistemin zirzəmisində kilidlənmişdi, mən şər sistemin özünə qarşı mübarizə apardım".
“AzPolitika.info”
