Avropa Liqasının Liqa mərhələsinin IV turunun “Bodo Qlimt” – “Qarabağ” oyununun favoriti bəlli olub.
İdman.biz xəbər verir ki, UEFA-nın rəsmi saytında davam edən səsvermədə futbolsevərlərin hansı komandaya inandığı müəyyənləşib.
Sorğuya qatılanların 65 faizi “Qarabağ”ın qələbə qazanacağını gözləyir. “Bodo Qlimt”ə inananlar isə 30 faiz təşkil edir. Bu matçda heç-heçə ehtimal edənlər cəmi 5 faizdir.
Qeyd edək ki, Norveçdə keçiriləcək “Bodo Qlimt” – “Qarabağ” matçı noyabrın 7-də baş tutacaq və Bakı vaxtı ilə saat 21:45-də başlayacaq.
İdman.biz
