Britaniya kəşfiyyatı qeyd edir ki, Rusiya Donetsk bölgəsində təzyiqlərini davam etdirir və orada əhəmiyyətli qüvvələr saxlayır ki, bu da cəbhənin bu hissəsində son uğurları təmin edib.
Yenicag.az xəbər verir ki, bu barədə Böyük Britaniya Müdafiə Nazirliyinin Rusiya-Ukrayna müharibəsi ilə bağlı 5 noyabr tarixli kəşfiyyat icmalında deyilir.
Analitiklər qeyd edirlər ki, Donetsk vilayətindəki Rusiya qüvvələri son vaxtlar cəbhənin 20 kilometrlik hissəsi boyunca bir neçə rayonda irəliləyişlər əldə edərək, bir sıra kiçik yaşayış məntəqəsini işğal edib və bir həftə ərzində bəzi yerlərdə 9 kilometr dərinliyə qədər irəliləyib. Qeyd olunur ki, bundan əvvəl, oktyabrın əvvəlində ruslar Uqledarı nəzarətə götürüblər.
Məlumatda qeyd olunur ki, Qornyak indi rus qüvvələrinin nəzarətinə keçib:
“Lakin ruslar Kuraxovkanı ələ keçirdiklərini də iddia edirlər. Selidovonun ələ keçirilməsi isə çox güman ki, Pokrovsku təhdid etmək üçün şərait yaradacaq”.
“Rusiya Donetsk vilayətinin cənubundakı cəbhə sektorlarına üstünlük verməkdə davam edir və bu istiqamətdə əlverişli sayda qüvvə saxlayır. Bu da qismən Rusiyanın irəliləyiş sürətinin artması ilə izah olunur”, – deyə icmalda qeyd olunur.
Bundan əlavə, ağır personal itkilərinə baxmayaraq, Rusiya Ukraynanın cənubundakı əməliyyatları dəstəkləmək üçün çoxlu sayda səfərbər olmağa davam edir.
Xatırladaq ki, Estoniya kəşfiyyatı noyabrın 1-də qeyd edib ki, son bir həftə ərzində Rusiya ordusu Donetsk vilayətində təxminən 150 kvadrat kilometr ərazini ələ keçirə bilib.
Nəsimi Ələsgərli
