Tanınmış meyxanaçı İntiqam Rüstəmovun “Qadın müğənnilərə xanım demirəm, bu söz müqəddəsdir” kəlməsi sosial şəbəkələrdə müzakirələrə səbəb olub. Bu fikirlərinə görə sənətçini tənqid ediblər və onu xanımları təhqir etməkdə günahlandırıblar.
Yenicag.az-a açıqlama verən İntiqam Rüstəmov məsələyə aydınlıq gətirib:
“Xanım müğənnilərə də böyük hörmətim var, hamısını çox istəyirəm. Bəziləri çıxır ağzına gələni danışır. Lakin özünü xanım kimi aparmayan müğənnilər var ki, mən onlardan danışmışam. Danışığını, oturuşunu, yerini-yurdunu bilməyənləri deyirəm. Yoxsa ki, ümumilikdə hamıya söz demərəm. Hərənin öz fikri var, mən öz fikrimi demişəm. Yoxsa ki, o nə deməkdir, əlbəttə ki, qadınlar xanımdır”.
Cəvahir
