"Barselona"nın baş məşqçisi Hans-Diter Flik yarımmüdafiəçi Qavinin yaşıl meydanlara qayıtması ilə bağlı açıqlama verib.
90deqiqe.Az xəbər verir ki, "Mundo Deportivo" alman çalışdırıcının dediklərini belə çatdırıb.
“Bunun nə vaxt tam hazır olacağını bilmirəm. Biz Qavini sistemli şəkildə heyətə təqdim edəcəyik, onun oyun dəqiqələrinin sayı matçdakı vəziyyətdən asılı olacaq”
20 yaşlı Qavi bu mövsüm "Barselona"nın 4 oyununda iştirak edib, cəmi 20 dəqiqə meydanda olub. İspan futbolçunun "Barselona" ilə müqaviləsi gələn mövsümün sonuna kimidir və onun transfer dəyəri 90 milyon avro qiymətləndirilir. 12 turdan sonra "Barselona" İspaniya çempionatına liderlik edir, növbəti Real Madridi 9 xal qabaqlayır, lakin Los Blankos bir matç az keçirib.
