Seulun Şəxsi Məlumatların Mühafizəsi Komissiyası bildirib ki, ABŞ texnoloji nəhəngi “Meta” təxminən 980.000 yerli “Facebook” istifadəçisinin həssas məlumatlarını qanunsuz olaraq toplayıb və reklamçılarla paylaşıb.
Səlahiyyətlilər bildiriblər ki, “Meta” transgender problemləri, homoseksuallıq və Şimali Koreyadan qaçanlar kimi "həssas mövzular"la əlaqəli reklam yaratmaq və həyata keçirmək üçün “Facebook”da bəyənilən səhifələr və kliklənən reklamlar da daxil olmaqla istifadəçi davranışı məlumatlarını təhlil edib.
Nəzarətçi bu cür məlumatların “Meta” tərəfindən reklamçılara verildiyini və təxminən 4000 reklamçının ondan istifadə etdiyini təsdiqlədiyini bildirib.
Komissiya “Meta”nı 21,6 milyard von (15,6 milyon dollar) cərimələmək qərarına gəlib. Şirkət AFP-yə qərar sənədini aldıqdan sonra onu diqqətlə nəzərdən keçirəcəyini bildirib.
Qərar qlobal xidmətlər göstərən xarici operatorların (Cənubi Koreyanın) Mühafizə Aktında həssas məlumatların emalı ilə bağlı müəyyən edilmiş öhdəliklərə əməl etmələrini təmin etmələri baxımından əhəmiyyətlidir.
Maya Hüseynova
