Türkiyə və Qırğızıstan strateji tərəfdaş ölkələr oldular.
“Cebheinfo.az” “Yeni Safak”-a istinadən xəbər verir ki, dünən Türkiyə və Qırğızıstan prezidentləri Rəcəb Tayyib Ərdoğan və Sadır Japarov iki ölkə arasında ikitərəfli tərəfdaşlığın möhkəmlənməsi istiqamətində təhlükəsizlik, səhiyyə və mədəniyyət sahəsində 19 saziş imzalayıblar.
Bişkekdə Qırğızıstan Prezident sarayında keçirilən birgə mətbuat konfransında Prezident Rəcəb Tayyib Ərdoğan Türkiyə-Qırğızıstan qardaşlığının əbədi olduğunu vurğulayıb.
Qırğızıstanın nüfuzlu “Manas” ordeni ilə təltif olunduğuna görə təşəkkürünü bildirən Ərdoğan bunu iki xalq arasında “əbədi qardaşlığın sarsılmaz simvolu” adlandırıb.
Ərdoğan həmçinin Sadır Japarova və qırğız xalqına göstərdikləri səmimi qonaqpərvərliyə görə təşəkkür edib.
Qeyd edək ki, noyabrın 3-də Prezident Rəcəb Tayyib Ərdoğan Türk Dövlətləri Təşkilatının dövlət başçıları sammitində iştirak etmək üçün Qırğızıstana rəsmi səfər edib.
Mətbuat konfrasının sonunda Ərdoğan yerli “Togg” elektrik avtomobilini Sadır Japarova hədiyyə edib.
