Müdafiə naziri Andrey Belousov yaralı hərbi qulluqçuların ödənişlərinə daha ədalətli yanaşmanın həyata keçirilməsi üçün qaydaların hazırlanmasını əmr edib. İdarənin mətbuat xidmətinin məlumatına görə, Belousov müavini Anna Tsivileva ilə görüşüb və xüsusi hərbi əməliyyat iştirakçılarına sosial dəstək məsələləri ilə bağlı məruzəni dinləyib.
Müdafiə nazirinin müavini bildirib ki, mövcud kompensasiya forması “fərdi halları və alınan xəsarətlərin ağırlığını nəzərə almır”. Onun sözlərinə görə, indi "amputasiyaya səbəb olan kiçik kəsiklər və çox da ağır olmayan yaralara edilən ödənişlər bərabərdir".
"Burada, həqiqətən, böyük dərəcədə ədalətsizlik var. Elə edilməlidir ki, ödənişlərin ölçüsü şəxsin aldığı xəsarətin şiddətinə uyğun olsun və ya ən azı onu əks etdirsin",- deyə Belousov vurğulayıb
Oxuməni.az
