Bu gün dünyanın gözü ABŞ-də keçirilən prezident seçkilərində ikən bütün diqqətlər birdən ABŞ-Meksika sərhədinə yönəlib.
Respublikaçılar Partiyasının namizədi, ABŞ-nin keçmiş prezidenti Donald Trampın qalib gəlmə şansı artdıqca minlərlə miqrant Meksikadan ABŞ-yə keçməyə başlayıb.
"Cebheinfo.az" xəbər verir ki, Trampın qalib gəlmək şansı artdıqca, Meksikadan gələn minlərlə miqrant ABŞ sərhədinə yollanıb.
Meksikadan təxminən 2500 nəfərlik yeni mühacir karvanının yola düşdüyü bildirilib.
Meksika mətbuatının məlumatına görə, ölkənin cənubundakı Çiapas ştatının Tapaçula şəhərindən yürüş edən minlərlə miqrant ABŞ-nin yeni prezidenti vəzifəyə başlamazdan əvvəl sərhədi keçmək istəyir.
Miqrantların əksəriyyətinin Çin, Peru, Ekvador, Venesuela, Kolumbiya, Honduras, Salvador, Qvatemala və Haitidən olduğu qeyd edilib.
Seçki kampaniyası zamanı Tramp tez-tez qeyri-qanuni miqrantları deportasiya edəcəyini bəyan edib və Meksika sərhədində divar çəkəcəyini vurğulayıb.
Bundan əlavə, Tramp ABŞ tarixində qeyri-qanuni miqrantlara qarşı ən böyük deportasiya əməliyyatına başlayacağını bildirib.
