Ağıllı telefon almadan əvvəl ilk baxdığımız meyarlardan biri şübhəsiz kameranın keyfiyyətidir.
Qlobal.net bildirir ki, bu günlərdə ən yaxşı kameraya sahib ağıllı mobil telefonlar hansılardır?
DXOMARK, ən yaxşı foto çəkən telefonları sıralayıb. Siyahıda Huawei markalı telefonların dominansı diqqətdən qaçmadı.
Zirvədə 163 bal ilə Huawei Pura 70 Ultra modeli yer alır. Aprel 2024-də bazara çıxan bu model, kamera performansı ilə liderliyi qazanıb.
2-ci sırada isə 158 bal toplayan Google Pixel 9 Pro XL və Honor Magic 6 Pro yerləşir. Hər iki model eyni bal aldığı üçün sıralamada ikisi də ikinci sıradadır.
Yenə də 3-cü sırada bir neçə telefon eyni bal ilə yer alır. Apple iPhone 16 Pro Max, Apple iPhone 16 Pro, Huawei Mate 60 Pro+ və Oppo Find X7 Ultra 157 bal ilə 3-cü sıranı paylaşır.
4-cü sırada 156 bal ilə Huawei P60 Pro yer alır.
5-ci sırada isə 3 telefon eyni bal ilə yer tutur. Apple iPhone 15 Pro Max, Apple iPhone 15 Pro və Google Pixel 9, 154 bal ilə 5-ci sırada yer alır.
Siyahının qalan hissəsi isə belədir
- Google Pixel 8 Pro və Oppo Find X6 Pro = 153 bal
- Honor Magic5 Pro = 152 bal
- Oppo Find X6 və Vivo X100 Pro = 150 bal
- Huawei Mate 50 Pro və Xiaomi 14 Ultra = 149 bal
- Google Pixel 8 = 148 bal
