ABŞ-in Arizona ştatında kiçik təyyarənin avtomobilin üzərinə çırpılması nəticəsində azı 5 nəfər ölüb. Missiya.Az xəbər verir ki, bu barədə noyabrın 6-da polisə və ABŞ Federal Aviasiya Administrasiyasına istinadən "Associated Press" məlumat yayıb.Qəza şəhərətrafı Finiksdəki hava limanından havaya qalxdıqdan dərhal sonra baş verib. Hadisə yerində güclü yanğın başlayıb. "Honda HA-420" yüngül biznes reaktiv təyyarəsinin göyərtəsində beş nəfər olub. Ölənlərin kimliyi və avtomobildəki sərnişinlər arasında itkilərin olub-olmadığı hələ açıqlanmayıb.Xatırladaq ki, bundan əvvəl, oktyabrın 26-da Avstraliyada iki yüngül təyyarə toqquşub. Təyyarə qəzası nəticəsində iki nəfər ölüb.
Zərintac MayisqızıMissiya.Az
