Futbol üzrə UEFA Çempionlar Liqasında Qrats “Şturm”u üzərində 1:0 hesablı ev qələbəsi Dortmund “Borussiya”sı üçün əlamətdar olub.
Arena.az məlumat verir ki, ÇL-in Liqa mərhələsinin 4-cü turu çərçivəsində doğma meydanda Avstriya təmsilçisini qəbul edən Almaniya klubu 86-cı dəqiqədə Malenin vurduğu yeganə qol sayəsində qələbə qazanıb.
Bu qələbə sayəsində “Borussiya” qitənin ən mötəbər klub yarışı çərçivəsində keçirdiyi ev oyunlarında, meydanı ardıcıl 13-cü dəfə məğlubiyyətsiz tərk edib.
Beləliklə, Dormund təmsilçisi buna qədər klub rekordu olan nəticəsini yeniləmiş olub. “Borussiya” bu silsilə çərçivəsində 9 oyunda qələbə qazanıb, 4 oyunda isə heç-heçə edib.
4 turdan sonra 9 xal toplamış Dortmund “Borussiya”sı UEFA Çempionlar Liqasının yarış cədvəlində 4-cü pillədə qərarlaşıb. Xalsız “Şturm” isə 32-ci pillədədir.
