UEFA Çempionlar Liqasının Liqa mərhələsinin 4-cü turunda “Jirona” üzərində 4:0 hesablı ev qələbəsi PSV üçün əlamətdar olub.
Arena.az məlumat verir ki, Niderland təmsilçisi doğma meydanda qarşılaşdığı İspaniya klubuna böyük hesabla qalib gəlib.
Sözügedən komanda məhz bu böyükhesablı qələbə sayəsində qitənin ən mötəbər klub yarışı çərçivəsində klubun iki rekordunu müəyyənləşdirib.
Əvvəla, Eyndhoven klubu UEFA Çempionlar Liqası çərçivəsində ilk dəfə olaraq, bir oyunda 4 qol vurub. İkincisi, Niderland nəhəngi Avropanın ən mötəbər klub yarışı tarixində ən böyükhesablı qələbəsini rəsmiləşdirib.
4 turdan sonra 5 xal toplamış PSV UEFA Çempionlar Liqasının Liqa mərhələsinin yarış cədvəlində 21-ci pillədə qərarlaşıb. “Jirona” isə 3 xalla 26-cı pillədədir.
