"BRİKS-in gündəmində vahid valyuta məsələsi yoxdur".
Mia.az Rusiya mətbuatına istinadla xəbər verir ki, bu sözləri Kremlin sözçüsü Dmitri Peskov Moskvada jurnalistlərə müsahibəsində deyib.
O bildirib ki, BRİKS çərçivəsində vahid valyutanın yaradılması hazırda mümkün də deyil: "Bilirsiniz ki, Kazanda keçirilən BRİKS Liderlər Zirvə Toplantısı çox məhsuldar keçdi. Çox sayda qonaqla çox mühüm danışıqlar aparıldı, mühüm nəticələr əldə edildi. Bu, həm ölkəmiz, həm də BRİKS-də maraqlı olan bütün ölkələr üçün keçərlidir.Əlbəttə, bizim əsas gündəmimiz orada maliyyə və iqtisadiyyat sahəsində əməkdaşlığın daha da gücləndirilməsi idi. Lakin bu əməkdşalıq vahid valyutanın yaradılmasını nəzərdə tutmur. Ümumiyyətlə, o toplantıda belə müzakirə də olmadı. Çünki ölkələrin çoxu alternativ ödəniş sisteminin qurulmasına da hazır deyil".
Zülfiyyə Mustafayeva
MİA.AZ
