1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Kart əməliyyatlarında və ödəniş həllərində lider olan "Azərikard" məlumat təhlükəsizliyinin idarə edilməsi üzrə ISO 27001:2022 sertifikatı əldə edib. ISO 27001:2022 beynəlxalq standartı təşkilatların Məlumat Təhlükəsizliyi İdarəetmə Sistemlərini (MTİS) qurma, tətbiqetmə və davamlı təkmilləşdirmə üzrə ən yaxşı təcrübələri əhatə edir. Bu sertifikat "Azərikard"ın həssas məlumatların idarə edilməsi və qorunması sahəsində ciddi təhlükəsizlik tələblərinə uyğunluğunu təsdiqləyir və müştərilərə təhlükəsiz və etibarlı elektron ticarət xidmətləri təqdim etməyə imkan yaradır. Şirkətin məlumat təhlükəsizliyinə sadiqliyinin bir hissəsi kimi, müştərilər kibertəhdidlərə və məlumat sızıntılarına qarşı daha yüksək səviyyədə qorunmadan faydalanacaqlar, bu da potensial riskləri azaltmağa və onların elektron ticarət fəaliyyətlərində etibarı artırmağa kömək edəcək.
ISO 27001:2022 sertifikatının alınması üçün müstəqil auditor tərəfindən şirkətin təhlükəsizlik siyasətləri, risk idarəetmə və nəzarət mexanizmləri hərtərəfli yoxlanılıb. Bu nailiyyət "Azərikard"ın təhlükəsizlik sahəsində qabaqcıl və etibarlı bir tərəfdaş kimi mövqeyini daha da gücləndirir.
