Pekin və Vaşinqton arasında sabit, sağlam və davamlı əlaqələr Çin və ABŞ-ın maraqlarına uyğundur.
Azpost.info xəbər verir ki, bunu Çin lideri Si Cinpin ABŞ prezident seçkilərində qələbəsi münasibətilə Donald Trampa təbrik teleqramında bildirib.
“Stabil, sağlam və davamlı Çin-ABŞ münasibətləri hər iki ölkənin ümumi maraqlarına və beynəlxalq ictimaiyyətin gözləntilərinə uyğundur. Ümid edirik ki, hər iki tərəf qarşılıqlı hörmət, dinc yanaşı yaşama və qarşılıqlı faydalı əməkdaşlıq və dialoq və ünsiyyəti gücləndirmək, fikir ayrılıqlarını düzgün idarə etmək, qarşılıqlı faydalı əməkdaşlığı genişləndirmək kimi, prinsiplərə sadiq qalacaq”, – Cinpin bildirib.
Si Cinpinin sözlərinə görə, tarix göstərdi ki, Çin və ABŞ əməkdaşlıqdan qazanır, qarşıdurmadan isə uduzur.
Çin lideri ümid etdiyini bildirib ki, Çin və ABŞ yeni dövrdə hər iki ölkəyə və bütün dünyaya fayda gətirəcək düzgün qarşılıqlı əlaqə yolunu tapacaqlar.
Azpost.info
