İsrailin “Elbit Systems” şirkəti ABŞ Ordusunun “Bradley” M2A4E1 piyada döyüş maşınlarını (PDM) “Iron Fist” (“Dəmir Yumruq”) aktiv mühafizə sistemləri (APS – active protection systems) ilə təmin edəcək.
“Poliqon” xəbər verir ki, bunun üçün “Elbit Systems” və “General Dynamics Ordnance and Tactical Systems” (GD-OTS) 127 milyon ABŞ dolları dəyərində müqavilə imzalanıb.
Müqavilə əsasən, “Iron First” APS-lərin tədarükü ilə bağlı işlər 34 ay müddətində həyata keçiriləcək.
“Iron Fist”, müasir dövrün döyüş meydanında xarici təhlükələrə qarşı zirehli platformaların özünümüdafiə imkanlarını artırmaq üçün inkişaf etdirilmiş aktiv mühafizə sistemidir. İsrail Müdafiə Qüvvələri tərəfindən istifadə edilən və ikinci nəsil aktiv mühafizə sistemi olan “Iron Fist” yüksək performans, aşağı həcm, kütlə və güc tələbləri ilə xarakterizə olunur.
O, zirehli platformaları həm açıq ərazidə, həm də şəhər mühitində tank əleyhinə raketlər, pilotsuz uçuş aparatları (PUA) və süzən sursatlar kimi müxtəlif növ təhdidlərdən 360 dərəcə müdafiə ilə təmin edir.
Həmçinin bax: “Bradley”in “Iron Fist” ilə təchiz olunmuş yeni versiyası təqdim edilib
