Azərbaycan Respublikasının Gənclər Fondunun maliyyə dəstəyi ilə "SAF Həyat Naminə” Gənclər İctimai Birliyi tərəfindən "EKOMƏKTƏB - Gənclərin Ekoloji Maarifləndirmə Proqramı” adlı layihəy başa çatdı.
Layihənin əsas məqsədi - cəmiyyətdə, xüsusilə də yetişməkdə olan yeni nəsil-məktəblilər və gənclər arasında, həyata keçiriləcək çoxsaylı ekoloji tədbirlər vasitəsilə geniş ekoloji maarifləndirmə işləri aparmaq və yetişməkdə olan yeni nəsildə ekoloji duyarlılığı formalaşdırmaqdır. Ətraf mühitin mühafizəsi sahəsində həyata keçirilən kompleks tədbirlər və əhali arasında ekoloji təbliğatın və maarifləndirmənin aparılması insanların sağlam təbii mühitdə yaşamasına və dünyamızın sağlam gələcəyinə xidmət edir.
Layihə çərçivəsində ilkin olaraq ekoloji sahəyə marağı olan gənclər arasında sorğular keçirildi. Sorğu nəticəsində iştirakçılar müəyyən edildi. Cari ilin sentyabr ayında Xəzər Media Mərkəzində seçilmiş gənclərə Xəzər Media Mərkəzinin peşəkar Operator, aparıcı – jurnalistlər və ssenaristlər tərəfindən təlimlər keçirildi. Təlimin sonuncu günü iştirakçılara ətraf mühitin qorunmasına dair (havanın çirklənməsi, su problemləri, təbiətin qorunması və s.) tapşırıq verilildi və iştirakçılar həm fərdi həmdə qruplara bölündülər.
Verilən tapşırıq üzrə ekoloji sahədə video təqdimatlar hazırlandı və 19 oktyabr 2024-cü il tarixində layihə iştirakçıları yekun tədbirdə işlərini ekspertlərə təqdim etdilər. Yekun tədbirdə ekspertlər təqdimatçılar arasında 3 qalibi seçdilər. Seçim şərtləri əvvəlcədən iştirakçılara verilmişdir. Seçimlərdə 1-ci yer Aytən Ələkbərova "Gələcək üçün təmiz Bakı” adlı videotəqdimatı ilə qalib olmuşdur, Zümrüd Əliyeva "Avtomobil sıxlığının insanlara mənfi təsiri” və Ayan Əsədli "Təbiətin dostu” videotəqdimatları ilə seçildilər. Tədbirin sonunda qalib və seçilən iştirakçılara Təşkilat tərəfindən hədiyyələr və bütün iştirakçılara sertifikatlar təqdim edildi.
